0128 - 0129 宇宙船 #扭蛋劇場 明年
N: 差唔多又到新年啦！咁我今日呢會幫大家寫揮春嘅，大家排好隊。
C: 你寫開字㗎咩？
N: 我唔寫㗎。
C: 咁你出嚟幫人寫？
N: 咁我本身都冇選開㗎啦，咪又係出嚟選，唔關事嘅。
C: 唔緊要啦，都幫我寫一張啦。
N: 係啦，最緊要就係唔緊要吖嘛香港人！想寫啲咩啊？
C: 整個～年年有餘吖！
N: 等陣先，你上次有冇投票呀？
C: 有呀。
N: 係咪投我㗎？
C: 梗係啦！
N: 我叫咩名先？
C: 吓？
N: 喂你講大話唔係幾好喎。
C: 下次投返～下次投返～
N: 好啦好啦下次先啦，下次幫你寫返啦！
C: 下？
N: 講笑啫！玩下你呀嘛！我哋要同你哋啲居民打好關係㗎嘛！
C: 車～玩人～
N: 等陣先！你係咪居民嚟㗎？
C: 我？我梗係係啦！我日日都經過呢度㗎！
N: 日日經過？我見唔到你嘅？
C: 可能時間就唔啱掛⋯⋯
N: 梗係啦！我都唔係日日經過，你日日經過都冇用啦係咪？
C: 下？
N: 喂唔好意思，玩下你～唔玩啦唔玩啦～你啱啱話寫咩話？
C: 年年有餘。
N: 好吖好吖，年年有餘⋯⋯
N: 用唔用環保墨水呀？
C: 環保墨水啊？都好吖。
N: 多謝你支持環保！哎斃喇。
C: 做咩呀。
N: 我哋冇環保墨水！
C: 喂點㗎！要你做少少嘢啫！係咪咁都要喺度阿吱阿咗呀！
C: 你搞得嚟都做完啦！好灰諧呀？你唔想做你咪唔好出嚟做囉。
N: 吓？唔係呀我諗你誤會咗少少嘢！我哋依家部門係咁樣做嘢㗎喎！即係有啲嘢好簡單處理到，係唔可以就咁處理到㗎喎，我份工係撚化你哋嘅喎，喂你做咗咁多年人你知㗎啦。
C: 我想過年啫！
N: 過咗年又點呀？所有嘢就會變好呀？揮春可以自己寫，點解要俾人寫呀？呢個位可以係你做，點解要俾人做呀？人地過年你又跟住過，過唔過年呢啲嘢，家族自決啦。
Search